|
Pılemoriye
Pılemoriye (Tırki: Pülümür) qeza Dêrsımia, suka Dêrsımi ra 67 km düria. Hetê rocvetışi (şerqi) de Çolig (Bingol), zımey (şımali) de Erzıngan, veroci (cenubi) de qeza Nazmiya u rocawani (ğerbi) de qeza Pulur/Vacuğe estê.
Raqımê Pılemuriye 1650 metreo. Pılemuriye de zaf koyê berci estê. Ninan ra Bağıre (Tırki: Bağır Paşa Dağı, 3287 m), Koyê Mercani (Tırki: Mercan Dağları 3000 m.), Koyê Muzıri (Tırki: Munzur Dağ silsilesi)ê. Pılemuriye de zaf çhem u çımê hêniu estê. Nê çhemu ra Çhemê Pılemuriye (Tırki: Pülümür Çayı), Çhemê Qeregoli (Tırki: Karagöl Çayı), Çhemê Pêrginiye (Tırki: Kırklar Çayı), Awa Çekemi (Tırki: Çekem Suyu), Awa Aşkirege (Tırki: Kocatepe Suyu)a. (Dewamê cı...)
Pär lagerkvist
Pär Lagerkvist ser 1891 dı suka İsveç, Växjö dı ameyo dınya. Suka xü dı heta 1910 mekteb wanayo u 1911-12 dı zi Uppsala dı wendenı dewam kerdo. Dıma ser 1920 dı Lagerkvist, Danimarka, Fransa u İtalya dı mendo u wucana dı ser edebiyat u zagon ihtisas kerdo. Dıma sêyhet u gêyren, paştı ameyo İsveç u dest bı nuşê xü kerdo. Bı hondırawa yên xü Swêdı rayê (ekolê) newe akerdo. Hozanwan, hondırawayên xü dı érd u asmên (ézman), realizm u pesimizm bı hostatetey ardo kar.
Lagerkvist ser 1940 dı kewto "Svenska akademien" (Akademiyê Swêd) yani biyo endamê akademiyê. Ser 1941 dı zi Göteborg dı doktorey gıroto. Ser 1951 dı zi Xelatê Nobeli dıma Selma lagerlêf 1909, Verner von Heıdenstam u dıma Erik Axel Karlfeld Xelatê Nobeli gıroto. (Dewamê cı...)
|
